جیہو سے ملئے، میزورم کے پیڈلر نے کھیلو انڈیا یونیورسٹی گیمز 2021 میں شاندار دفاعی کارکردگی کا مظاہرہ کیا

کھیلو انڈیا یونیورسٹی گیمز 2021 میں جب میزورم یونیورسٹی کے پیڈلرجیہو ہمناکُلپوئنگھیتا نے پنجاب یونیورسٹی، پٹیالہ کے انش سبھروال کے خلاف قدم رکھا، تو وہ فوراً بیک فٹ پر چلے گئے۔ 2020 کے کھیلو انڈیا یوتھ گیمز میں کانسے کا تمغہ جیتنے والے جیہو، انش کے خلاف 0-6 سے کافی پیچھے چلے گئے اور وہاں سے چیزیں ان کے لیے مشکل لگ رہی تھیں۔ لیکن چالاکی سے دفاعی تکنیکوں کا مظاہرہ کرتے ہوئے جیہو اپنی ذہنی استقامت کا مظاہرہ کرنے میں کامیاب ہوئے اور سیدھے کھیل میں میچ جیتنے میں کامیاب رہے۔

جیہو نے میچ کے بعد وضاحت کی کہ ‘‘میں ایک ڈیفینڈر ہوں اور دفاع کرنے والوں کو حکمت عملی کے ساتھ اپنے شاٹس کی منصوبہ بندی کرنی پڑتی ہے۔ انہیں ہار نہیں ماننی ہوگی اور آخر تک لڑتے رہنا ہے، کیونکہ ان کا کردار طویل ریلیاں نکال کر اپنے مخالفین کو تھکا دینا ہے۔’’

وہ ہفتہ کو دی جین اسپورٹس اسکول میں مردوں کی ٹیبل ٹینس ٹیم مقابلے میں میزورم یونیورسٹی کے اسٹار کھلاڑی تھے کیونکہ انہوں نے پنجاب یونیورسٹی، پٹیالہ کے خلاف پول اسٹیج کے راؤنڈ 2 میچ میں سیدھے گیمز میں اپنے دونوں میچوں میں جیت حاصل کی تھی۔ جبکہ میزورم یونیورسٹی میچ 2-3 سے ہار گئی، البرٹو رواتا اور جان خولہرنگ اپنے اپنے میچ ہار گئے، 18 سالہ جیہو نے اپنے تیز قدموں کی حرکت اور اپنے تیز دفاعی شاٹس سے سب کو متاثر کیا۔

انہوں نے وضاحت کی کہ ‘‘بطور ڈیفینسر مجھے اپنے مخالفین کو نان اسٹاپ کھیلنے پر مجبور کرنا ہے اور یہی وہ حکمت عملی تھی جو میں نے استعمال کی۔ کیونکہ میں مسلسل دفاع کر رہا تھا، اس لیے یہ مخالفین کو حملہ آور ہونے پر اکساتا ہے، جس سے وہ تھک جاتے ہیں اور غلطیاں کرتے ہیں۔ یہی میری بنیادی حکمت عملی تھی۔’’

18 سالہ جیہو نے شام کو ساوتری بائی پھولے پونے یونیورسٹی کے خلاف تیسرے گروپ گیم میں اپنی شاندار فارم کو جاری رکھا،  انہوں نے رجت کدم اور شوناک شندے کو شکست دی، میزورم یونیورسٹی کو 3-2 سے جیت حاصل کرنے اور مردوں کی ٹیبل ٹینس ٹیم کے کوارٹر فائنل میں پہنچنے میں مدد کی۔ ٹیبل ٹینس میں میزورم کی واحد ٹیم ہونے کے ناطے یہ نوجوان پیڈلر کے لیے ایک بڑی کامیابی تھی۔

جیہو نے کہا کہ ‘‘ہم نے پنجاب یونیورسٹی کے خلاف اپنی شکست کے بعد اعتماد نہیں کھویا اور جانتے تھے کہ ہمیں جیت کے لیے سخت محنت کرنا ہوگی۔ ہمیں خوشی ہے کہ ہم نے ساوتری بائی پھولے پونے یونیورسٹی کے خلاف ایک قریبی مقابلہ جیت لیا اور میں اپنی کارکردگی اور ٹیم کی کارکردگی سے بیحد خوش ہوں۔’’

جیہو کا تعلق میزورم کے لنگلی ضلع میں ایک معمولی خاندان سے ہے اور ان کا تعارف ان کے علاقے کے ایک مقامی کوچ نے ٹیبل ٹینس سے کروایا۔ ان کے والد، جو اس وقت ایک پرائیویٹ اسپتال میں بطور مرد نرس ​​کام کر رہے ہیں، اپنے دنوں میں فٹ بال کے کھلاڑی تھے، لیکن اس وقت مدد نہ ملنے کی وجہ سے، انہوں نے جیہو کو ریاست کے سب سے مشہور کھیل فٹبال کے بجائے انفرادی کھیل کا انتخاب کرنے پر مجبور کیا۔

جیہو نے یاد کرتے ہوئے کہا کہ ‘‘ان دنوں کھلاڑیوں کی توجہ کی سطح کو دیکھ کر میرے والد نے مجھے انفرادی کھیلوں کو آگے بڑھانے پر زور دیا۔’’

انہوں نے مزید کہا کہ ‘‘میں نے ٹیبل ٹینس میں اس وقت شمولیت اختیار کی جب میں 9 سال کی عمر کا تھا، کیونکہ مجھے اس سے میری جگہ کے قریب ایک مقامی کوچ نے متعارف کرایا تھا۔ مجھے یہ کھیل کافی دلچسپ لگا، اور جلد ہی میں اکیڈمی میں منتخب ہو گیا، اور تب سے میں کھیل رہا ہوں۔’’

جیہو کا خیال ہے کہ اس وقت ٹیبل ٹینس ان کی ریاست میں سب سے زیادہ مقبول کھیل نہیں ہے، لیکن ان کا ماننا ہے کہ کھیلو انڈیا یونیورسٹی گیمز ریاست کے تمام شعبوں سے مزید کھلاڑیوں کے سامنے آنے کے لیے دروازے کھول سکتے ہیں۔

جیہو نے کہا کہ ‘‘ٹی ٹی میزورم میں سب سے زیادہ مقبول کھیل نہیں ہے – فٹ بال، باسکٹ بال، اور بیڈمنٹن ابھی زیادہ مقبول ہیں۔ ہم ریاست میں فٹ بال میں بڑی ترقی کر رہے ہیں۔’’

جیہو، جنہوں نے کے آئی وائی جی 2020 میں البرٹو روتا کے ساتھ مردوں کے ڈبلز میں گولڈ میڈل بھی جیتا تھا، مزید کہا کہ ‘‘لیکن کھیلو انڈیا کی وجہ سے، دیگر کھیلوں میں بھی چیزیں عروج پر ہیں۔ یوتھ گیمز، 2020 میں، میزورم کے کھلاڑیوں نے بہت سارے تمغے جیتے، جس نے ریاست کے بہت سے کھلاڑیوں کو متاثر کیا، اور مجھے یقین ہے کہ آئندہ برسوں میں مزید کھیل شروع ہوں گے۔’’

ہر ایتھلیٹ کی طرح، جیہو کا بھی ایک واحد خواب ہے جس کے لیے وہ کام کر رہا ہے۔ انہوں نے دستخط کرتے ہوئے کہا کہ ‘‘ہر کھلاڑی اولمپکس میں کھیلنے کا خواب دیکھتا ہے۔ میں اس کے لیے سخت محنت کر رہا ہوں اور اس مقصد کی طرف بڑھتا رہوں گا۔’’

*****

ش ح۔م ع۔ع ن

                                                                                                                                      (U: 4914)